Sua piztea baizik (hegorik gabeko txoria)

Adina: 13-14tik aurrera.
112 orrialde.
Gaiak: hezkuntza, ikastea eta irakastea, laguntasuna, depresio endogenoa, adimen anizkoitzak, norbera aurkitzea, pasioa.
Gaumin sormen-etxea, 2018.
Formatu zabala (165 x 240 mm).
Prezioa: 13,50 euro

Sinopsia

“Hezkuntza ez da ontzi bat betetzea, sua piztea baizik” (W. B. Yeats)

Ermua: mendiek besarkaturiko herria.
Miren, Hodei eta Ismene: hiru lagun. Oraindik elkarrekiko sentimenduak onartu nahi ez, baina ikastetik gertu.
Ispilu misteriotsua: antzinako mago erreal batena, eta beharbada benetan nor zaren erakutsi ahal dizuna.
Izaskun: hezkuntza eraldatu nahi lukeen irakaslea. Nekatua eta gainezkatua, baina dena emateko prest ikasle-irakasleen txinpartak berpizteko.
Hegorik gabeko txoria: Mirenek aurkitu du kalean, eta hala ikusten du bere burua. Hautsia, desilusionatua. Ez du etxetik atera nahi.

Hodeik eta Ismenek denetik biziko dute Mirenen hegoak sendatzearren: lapurretak, borrokak, atxiloketak, sua, izua eta lilura. Izaskunen laguntzarekin, beraien bizitzako abentura biziko dute… ikastetxea iraultzen duten bitartean.

Sua piztea baizik: liburuaren nondik norakoa

Hauxe da Gaumin sormen-etxearen apusturik handienetakoa, ez baita inola ere mugatzen istorio izatera. Hezkuntzaren munduari begira dago erabat eta, gure txikian, harentzat laguntza moduan egina da.
Liburuak oso bestelako hariak ditu, batzuk erakargarritasunari begira (ezinbestekoa gazteak harrapatzeko), baina horien azpikoak dira inportanteagoak. Eta haietako bat, beharbada, dagoen (edo beharko lukeen) inportanteena: hezkuntza.

Protagonista gaztetako bat (Miren) triste dabil. Ez dakien arren, depresio endogenoa deritzona du: arrazoi zehatzik gabeko tristura lazgarria. Gero eta zabalduago dago gazteen… eta beste guztion artean ere. Mirenek hegorik gabeko txolarrea aurkitzen du hasieran, eta halakotzat hartzen du bere burua: hegorik gabeko txori gisa.
Depresio horri aurre egiteko, haren bi lagun (Hodei eta Ismene) jo eta su arituko dira, laguna tristura madarikatu horretatik ateratzeko.

Bitartean, ikastetxeko zuzendari berria (Izaskun) hezkuntza eraldatu nahian dabil. Eta metodologia zaharrak eta berriak erabili nahi ditu, hezkuntza berez behar lukeena bihurtzeko: norbera eta mundua ondoen ezagutzeko tresna. Yeats poetaren esaldia dakar Izaskun pertsonaiak: “hezkuntza ez da ontzi bat betetzea, sua piztea baizik”. Esaldi horrek ematen dio izenburu liburuari ere.
Eta horrela, abenturaren baitan eta haren aitzakian, metodologia eta jarduera interesgarri batzuk planteatzen dira, zenbait eskolatan aurrera eramaten saiatzen ari direnak.

Liburua Ermua herrian kokatua da, eta herriko hainbat pasadizo, gune eta pertsonaia interesgarri azaltzen dira argazkien bitartez edota testuan, istorioa osatzeko: Lobiano Jauregia, Ongarai auzoa, Ermua azpitik zeharkatzen duen tunela, Ermua BHI institutua, Santiago Eliza, Teodoro Zuazua…

Edizioa

Metodologia berriak sustatzeko asmoz, edizioan ahalegindu gara txertatzen horietako batzuk.
Materialari dagokionez, orain arte “ohikoak” direnak Gauminen: bideoak eta irudiak.

Bideoei dagokienez, ikasleenak ere txertatuko ditugu apurka, liburua zabaldu ahala. Hasteko, bada liburuan bertan ikasle batek inprobisatutako dantza, protagonista balitz bezala egina. Zirraragarria da halako emaitzak izatea.
Hezkuntzarentzat interesgarriak izan daitezkeen bestelako bideo batzuk ere txertatu dira, guk zuzenean sortu ez arren.

Esate baterako, “Tximeletaren zirkua” laburmetraia, Youtuben ikusgai dagoena euskarazko azpitituluak eta guzti. Nobelaren zati bihurtu dugu hari buruzko informazioa, irakasleek erabiltzeko aukera errazagoa izateko.

Liburuko irudiekin ere zerbait berezia egiten saiatu gara. Esate baterako, gorputz mugimenduak proposatzen zirenetan, siluetak erantsi ditugu, haiek hobeto ulertzeko. Edo lekuak aipatzean (eraikinak, objektuak, kontzeptuen metaforak ere), haien argazkiak erakusten dira, irudimena askatzen laguntzeko. Betiere jakinda gazteentzako nobela zela, eta haien esperientzia aberasteko asmoz.

Liburutik bertatik aterata:

Inkomunikazio komunikatuaren garaia

Hezkuntzaren mundua da dugun inportanteenetarikoa. Eta badugu zer pentsatua eta zer eraldatua, eta bizkor samar gainera.
Urte asko dira ikastetxeen gelak nabigatzen. Apurka, sentsazio bitxia: ikasleak eta irakasleak nekatzen ari direla. Borrokan eta ahalegin etengabean, baina tarteka etsitzen. Tristura edota depresioa ere garatuegi dago jadanik. Hori zen nobelaren gaitako bat.
Baina hari nagusia, ezinbestean, kontrakoa da: horri nola egin diezaiokegun aurre. Nola piztu dezakegun hezkuntza. Alegia, bizitza. Nola lortu dezakegun ikasleak, irakasleak eta gurasoak harro eta pozik sentitzea eskolaz. Geure buruaz.
Hainbat irakaslek oparitu dizkidate urteetan ideiak eta proposamenak, hezkuntzaz eta bizitzaz. Hona hemen haiek erakutsitakoa (era)berritzen laguntzeko txinpartatxoa. Poetak dioen moduan, ez ontzia betetzeko, sua pizteko baizik.

Su on!

Pertsonaiak

Kokapena

Azala

Azalaren elementu bakoitza majo hausnartua dago, eta lan handia dago haren atzean.
Protagonista bera ikusten da azalaren erdian, neska gaztea. Begiak ez dizkiogu ikusten, estalita bezala ditu. Ez du ikusten, edo ez du ikusi nahi. Zerbait falta zaio. Edo, agian, ez du kanpora begiratu nahi, barnera baizik. Hantxe aurki dezake, beharbada, oraindik ez dakien hura eta aska dezakeena.
Neskaren atzeko lerroek hostoz gain, sua ere irudikatzen dute (hezkuntzaren sua, bizitzaren sua, izenburuaren sua: Sua piztea baizik)
Arrosa ilean (ametsa, bizitzeko desira).
Txolarrea, hegoak itxita hasieran. Neskaren bidaidea eta konpainia. Biek dituzte hegoak zaurituta.
Txolarrearen azpian, hego formadun hostoak (haiek bai, hego irekiak, askatasunaren alegoria), eta inguruan basa-loreak (opariak, aukerak, esperientziak) eta formak akuarela estiloan, eta konposizio osoa estu besarkatzen.
Neska gaztearen atzean, espazio biribila, narrazioan azaltzen den ispilua gogoratzen duena, iritsiko zaion argia islatzen.
Hondoa krema, testura apur batekin.

Azalaren diseinua: Estudio de diseño gráfico LinaLimón
linalimon.com
Sarai Cabanillas & Cristina Granda

 

Hilezkorra (Otsoaren begirada)

Adina: 13-14tik aurrera.
96 orrialde.
Gaiak: hilezkortasuna, leialtasuna, iragana eta etorkizuna, antzinako historia, mitologia, gizakion alderdi iluna eta autosuntsigarria, norberaren burua gainditzea.
Gaumin sormen-etxea, 2018.
Formatu zabala (165 x 240 mm).

Sinopsia

Zenbait gorpu agertu dira Hernanin, guztiak oso modu bortitzean hilak.
Bittor, hilda zegoen gizon bat, esnatu egin da Donostian. Ez daki zer gertatu zaion, oso bitxi sentitzen dela bakarrik.
Aitziberrek, arkeologia maite duen neska gazteak, oso aurkikuntza berezia egingo du Hernanin bertan, ezkutaturik zegoen antzinako leize batean.
Hura gutxi ez eta, Hernaniko inguruetan, bi hiltzaile dabiltza aske. Gizatiarra bata, hilezkorra bestea.

Ze opari dakar hilezkor bihurtzeak? Ze amets? Ze prezio?
Kondairen xuxurla, beharbada, ez dago guk uste bezain urrun. Arbasoen harri-margoak, otso basatiaren ulua, lamia eternoa… Ginena eta garena.
Kondairetan gordetzen da gure argia. Eta berdin onartu nahi ez genukeen alderdi iluna, gure itzal suntsigarria.

Zeure barru gordea ezagutzeko prest?

Hilezkorra liburuaren nondik norakoa

Irakurketa Errazaren eta “betikoaren” filosofia uztartu nahi dituena, testu irakurterraza eta bizia, eta itxura “normalxeagoan” eskainia… gehigarri pilo batekin batera.

Protagonista nagusiak hilezkorrak dira. Batzuk hala ziren, beste batzuk nobelan ohartzen dira badirela. Ezaugarri horrek aukera handia ematen du hainbat alor funtsezko aztertzeko: zer garen, historia, ustea, beldurra, leialtasuna, tradizioa…
Hernanin kokatua da, eta herriko hainbat gune interesgarri azaltzen dira argazkien bitartez, testua osatzeko: Santa Barbara ingurua, Orona eraikina, Biteri Kultura-etxea, Donostiako Ametzagaina…
Misteriozko istorioa da, gazteentzat. Askoz gehiago ere kontatzen du, ordea, arkeologia, artea, psikologia, modernitatea eta futurismoa,  tradizioa eta mitoa baititu oinarri.

Misterioen aitzakiapean, antzinako hainbat pasarte erdi-historiko irudikatzen dira: gizakion eta otsoen arteko lehen harremana, leizeetako harri-margoak, iragana, zenbait mitoren jatorria, tradizio ahaztuak, Euskal Herriko zenbait gune.
Psikologiaren pisua ere nabarmena da. Protagonistek beraien alderdi ilunei egin beharko diete aurre.

Helburua, beraz, literarioa ez ezik, edukatiboa ere bada. Irakasleak hainbat gai hartu ahalko ditu hausnartzeko eta lantzeko, ikasleak motibatuak izan bitartean.

Gainerako materiala ere

Aurrekoen moduan, bideoak izango ditu liburuak, istorioa osatzeko.
Eta modernitatea. Hernaniko Orona eraikinak azaltzen dira iragan horren kontrastean.

Edizioa

 

“Sua piztea baizik” liburuan bezala, metodologia berriak sustatzeko asmoz, edizioan ahalegindu gara txertatzen horietako batzuk.

Han esanak aplikatzen dira hemen ere: bideoak barnean, irudiekin lan berezia, siluetak osatzeko, lekuen argazkiak, metafora bisual iradokitzaileak …

Kokaguneak

Hernani, Ametzagaina, Orona, Donostia ospitalea…

Azala

Otsoaren begirada da nagusi, otsoaren arima baitu liburuak. Bi kolore ditu otsoak: zurixka eta teila-kolorea, hilkortasunaren eta hilezkortasunaren uztartzea. Teila-kolorea harri-margoekin bat datorren kolorea da orobat.

Otsoaren posizioa ere esanguratsua da: eskuinetik ezkerrerantz. Orainetik iraganeko begirada ere adieraz dezake.

Hondoan, adierazten dira, modu sotilean, harri-margoen irudi batzuk, iragan urrun eta aldi berean hain hurbil hori oroitarazteko.

Eta atzealdean, zuhaitz hostogabea zeruaren bila, baina irudika dezakete orobat sustraien forma, zuhaitzaren simetria zoragarriaren adierazgarri: lurrerantz, barnerantz, eta gorantz, zerurantz, forma bertsuarekin, irrika bertsuarekin. Guganantz eta ametsetarantz. Iraganerantz bezala etorkizunerantz.

Liburua agurtzeko

Meditazio ipuinak (haurrentzat eta gazteentzat)

Egileak: Fernando Morillo eta Susana Sancho
Adina: 7tik aurrera (haurrentzat) eta 11-12tik aurrera (gazteentzat).
64 orrialde.
Gaiak: meditatzeko ipuinak, jolas-ipuinak, sormena, emozioak, sentimenduak.
Gaumin sormen-etxea, 2018.
Formatu zabala (165 x 240 mm).
Prezioa: 13,50 euro

Sinopsia

Eta sormen-atseden txiki bat hartuko bagenu? Eta geure buruarekin jolastuko bagina, barru-aberasten garen bitartean?

Fernandok eta Susanak 20 urte pasa daramatzate eskolaren unibertso zoragarrian. Idazle eta hizlari gisa lehenak, irakasle gisa bigarrenak. Ikasleekin hezkuntzaren magia erein nahian betiere.
Gehiegitan entzundakoa, guraso nahiz irakasleei: “ze zaila zaien gazteei testuei, irakasgaiari, ia edozeri arreta jartzea!”
Estresatuta gaude, gazteak bezala helduok. Nahasita, urduri.

Gazteekin bizitako hainbat esperientzia ardatz, zenbait ipuin berezi eskaintzen dira liburu honetan. Meditazio ipuinak dira. Laburrak. Barrura egiteko erabil ditzakegunak.
Klasean edo etxean irakur daitezke, ozen edo norberak isilean, edota ipuinen audioa entzun (ikus barruan). Ipuinen jarraian, haietan sakontzeko sormen-dinamika batzuk proposatzen dira. Taldean egin daitezke edo bakarka haiek ere.

Ez dago magia handiagorik “behin bazen…” hitzena baino. Demagun gu garela behin bazirenak, berriro izan gintezkeenak. Murgil gaitezen hitzen eta jolasaren magian.

Azalpen apurrak: ipuinak eta ipuin-jolasak

Hauxe litzateke Irakurketa Errazaren mundua zabaltzeko pentsatu dugun formatuetako bat, hainbat irakaslerekin solasean aritu ondoren. Irakurketa Errazaren formatuan ateratzea pentsatzen genuen liburuaren ordez dugun lanetako bat da.

Ipuin bereziez osatzen da liburua. Ipuinak, berez, meditazio gidatuak egiteko pentsatuak baitaude. Audioak eskura izango dira, irakasle, guraso edota irakurleek beraiek behar izanez gero erabiltzeko (doan izango dute).

Irakasleekin ikasitakotik, berezitasun gehiago eranstea pentsatu genuen, testuetan hobeto barrentzeko, ipuinak oso bestela eta askoz sakonago ulertzeko, eta areago, haietan “sartzeko”. Ipuin-jolasak gehitu ditugu helburu horrekin. Ipuinak irakurri ez ezik, bizi ere bizi behar dituzte irakurle (batez ere) gazteek! Hori ikusten zuten irakasleek faltan.

Susana Sancho da liburuaren egileetako bat. Irakasle dabil azken 20 urtean, eta etengabe aritu da hezkuntza hobetu nahian eta esperimentatzeko irrikaz (zentzurik onenean esanda, noski). Emaitza ere nabarmen ona da ikasleekin. Zeukan esperientzia eta jakinduria xuxurlatzeko eskatu genion, eta hauxe emaitza.

 

 

Arretarik eta lasaitasunik eza

Horiek dira gure gazteen (eta ai, helduon) ezaugarri nagusia gaur egun: arretarik eta lasaitasunik eza. Eta horrek arazo latzak dakartza hezkuntzaren esparru guztietan.

Horregatik sortu ditugu bi liburu hauek, haurrentzat eta gazteentzat. Ipuin horien bitartez, eta ipuin horiek esperimentatzeko jolas-ipuinen bitartez, gazteek bestelako behar batzuk lantzeko: sormena, emozioen oreka, (auto)komunikazioa, talde lana eta kohesioa, autoestimua, erresilientzia, ezinari eta lotsari aurre, bakarkako nahiz taldeko adierazpena…

Helburua: norberarengana eta besteengana hobeto iristeko ahalegina, irakurtzen gozatzen “ikasten” duten bitartean.

Halako sormen-lanen emaitza oso ona izan da irakurle gazteekin (errepikatzen dugu, merezi du eta: emaitza OSO ONA da). Horregatik eskatzen zizkiguten etengabe halako testu-ipuin eta jolas-ipuinak. Ba, azkenean ere, hementxe.

Horra, beraz, ahalegina eta asmoa: Irakurketa Errazaren aurretik beharko genukeen Irakurketaren Bihotza. Geure izanaren mamia, azken batean.

Hona hemen azalpen xeheagoak, liburutik hartuak:

Hitzaurrea

Pentsatu segundo batez zein diren ezagutzen ditugun hitzik boteretsuenak. Gure proposamena, hauxe: “Behin bazen”. Istorio onek sortzen dute gugan, betidanik, arretarik handiena. Geratu datu horrekin, gero itzuliko gara eta.
20 urtetik gora daramatzagu gazteen artean, hezkuntzaren bideak jorratzen. Zer aurkitu dugu? Besteak beste, nabarmen, estresa eta arretarik eza. Noiznahi, haur izan nahiz heldu.

Hainbeste betebehar! Beharbada tirabirak etxean edo lagunekin. Beharbada mina, jazarpena, gaixotasuna, gaizki-ulertuak edo gutxiespenak. Beharbada nork bere burua (edo munduaren zergatiak) ezagutzeko beharra eta desira. Nolakoa naiz? Nor naiz? Nola bizi bizien? Askeen?

Gure kezka nagusiak? Gertatutakoa eta gertatu litekeena. Hemen ez duguna, orain ez garena. Joandakoa ezin aldatu, ordea, eta etorri ez dena… batek daki nola hurbilduko zaigun.

Irakurketa bultzatzen laguntzeko eskatu digute urte askoan. Denborarekin ulertu dugu irakurketa bultzatzea fisika, gimnasia edo euskara bultzatzea bezal-bezalakoa dela. Edozer ikasgai pasio bihurtu nahi dugu? Bizikidetza hobetu? Ados. Hona zenbait irakasle saiatuk xuxurlatu diguten sekretua: zeinahi hezkuntza-estrategiaren aurretik, lehenbizi arreta eta kontzentrazioa hartu behar jomuga. Gainerako guztia berez etorriko da ondoren!

Eta orduan gure bizitzako hitzik boteretsuenak oroitu ditugu berriro: “Behin bazen”. Eta, gazteekin izandako hainbat esperientzia ardatz, ohartzen gara bi superbotere uztartzeko aukera zoragarria dugula: istorioaren xarma eta meditazioaren nolabaiteko ipuin-bizipena. Orain eta hemen lantzeko. Gu geu lantzeko.

Hona, ba, gu geu izatearen magia lortzen saiatzeko gure ahalegin txikia.

On egin!

Susana Sancho eta Fernando Morillo

Labur-azalpenak

Kapitulu bakoitzak bi zati ditu: meditazio-ipuina lehenbizi, eta ipuin-jolasa(k) jarraian.

Erabateko askatasuna duzue erabakitzeko zer nahiago duzuen: meditazio-ipuin bakoitza irakurtzeko, norberak irakurri dezake (ozen edo isilean) edo beste norbaitek talde batentzat ozen irakurria (familian, klasean).

Jarraian diren “ipuin-jolasak” jolasak dira… eta baita gehiago ere: ipuinaren meditazio-proposamena sakontzeko aproposak dira, zenbait sentimendu, emozio edo barne-korapilo lantzen eta askatzen laguntzeko. Norbera sakontzeko, ia oharkabean. Taldeak kohesionatzeko ere balio dezakete ez gutxitan.

Liburua nahi bezala irakur daiteke: lehenbizi meditazio-ipuinak edo ipuin-jolasak bakarrik, edo, noski, kapituluak banan-banan hartuta, bereziki interesatzen zaizun gai jakin bat hartuta (esate baterako, “beldurra”), eta kapitulu horra joz zuzenean, ipuina eta jolas-ipuinak praktikatzeko.

Bideoak eta audioak nola

Sarritan eskatu dizkigute halako meditazio-ipuinen audioak euskaraz, gutxi omen direlako. Hona hemen, ba. Saiatu gara, aldi berean, liburuaren filosofiari heltzen: sinpletasuna. Sinplearen ederrari eta indarrari eutsi nahi izan diogu.

Audioak proposamenak dira, egiazki. Gero, norberak bereak egin ditzake, nahi dituen aldaerekin. Gurasoak izanda zeuen haurrei irakurrita (eta osatuak), edo lagun-taldean, edota, noski, klasean irakasle (edo ikasle) baten ahotsetik. Hala izanez gero, bi aholku txiki baino ez: saiatu astiro irakurtzen eta txukun entonaturik. Beno, eta hirugarren aholkutxo bat: jarri bihotza istorioan, entzuleengan. Eta kitto. Nahikoa eta sobera horrekin.

Bideoak ere gehitu ditugu, azalpentxo batzuk gehitzeko, edota aurreraxeago agian esperientziak jasotzeko. Apurka, bideoak ugaritzen ahaleginduko gara, beharra ikusiz gero.

Jarraibideak bi hitzetan

Audioa erabili edo beste norbaitek irakurri behar izanez gero, prestatu gozoan entzuteko. Arropa erosoak jantzi. Gerrikorik izatekotan askatu, galtzerdi esturik izanez gero, erantzi edo aldatu. Oinetakoak ere, ahal bada, erantzi.

Telebista, telefonoa eta halakoak mututu. Musika nahi izanez gero, musika beti izan baitaiteke positiboa, lasaia hautatu, ahotsik gabea hobe.

Meditatzean soinurik iristen bazaizu, ez kezkatu, eta batez ere jarraitu: klaxona edo txakur baten zaunka bizitzaren zati dira. Izan daitezela zure barne-bidaiaren lagun ere, hala egokituz gero. Horrek lagundu baino ez zaitu egingo. Giro freskoa badago, manta batez estali zaitezke.

Ondoren, utzi irudimenari lekua. Zabaldu haren hegoak.

Edizioa

Ahal bezain landua eta berezitua egiten saiatu gara.
Web-orrialde honetan bertan dituzue adibide batzuk, irudietan.

Istorioak maila desberdin eta ikusgarrietan banatuta daude. Irudiak egoki txertatuak testuari, eta hura osatzen.
Sartzen dira, halaber, bideoek loturak tarteka, QR karratutxoen bitartez.

Azala (haurrentzat)

Errepikatzen den elementua jarri dugu, akuarelaz eginiko zirkulutxoekin. Haurren pentsamenduak, ideiak, ametsak… sinbolizatzen dituzte, kolore desberdinetan. Liburuaren barruan azaltzen diren jolas-ipuinekin bat datoz. Lasaitzeko burbuilekin meditatzen ikasten da, esate baterako, ipuin baten baitan.

Atzean, tximeletak azaltzen dira (beldar izatetik bidearen latza egina jada) eta landare gazteak, hazia erein ondoren datorren indar berria.

Azalean tonu lasaia eskaintzea erabaki dugu, barrua askoz txinpartatsuagoa bada ere. izan behar genukeen gizakiaren eredua: bihotza ideiez eta sormenaz beterik, eta azala bare.

Azala (gazteentzat)

Kasu honetan ere errepikatzen den elementua jarri dugu. Oraingoan ez dira esferak. Oraingoan gehiago dira malko, edo ateratzen dabiltzan ametsak.

Osotasunean aztertuz gero, ordea, malkoek lorea osatzen dute. Eta lore-hostoak badoaz ugaltzen eta irismena areagotzen, mundua hobeto ezagutu ahala, esperientziak bereganatu ahala. Horregatik ditugu orain norabide gehiago… eta zentro garrantzitsua.

Atzealdean, lore itxura hartzen doazen formak. Barruko edertasunaren alegoria.

 

Kaosaren ederra

Egilea: Yoseba Peña (1977)
Irudiak: Mikel Mendibil
Orrialde kopurua: 176 or.
Gaiak: distopia, sentimenduen garrantzia, sormena, Internet-
en erabilera, ezagutzaren filosofia, fraktalak…
Prezioa: 15 euro

“Kaosaren ederra” liburuaren sinopsia

Nor arraio da Adam? Ebak ez du ezagutzen, baina aurkezten diotenean sentituko du aspalditik maite duela. Nola liteke, ordea? Ikusten duena erreala da? Nola jakin burmuina gezurretan ari ote zaigun?

Ebari déjà vu txikietan itzuliko zaio memoria, Adamekin izan zuen maitasun-istorioa. Kontuz, baina: norbaitek ez die elkarrekin egoten utzi nahi. Zergatik?

Adamek demostratuko dio talde ezkutu guztiok programatzen gaituela gauero, hurrengo eguneko gidoia zehaztuz eta bizitakoa ahaztaraziz, urte berbera etengabe errepika dezagun. Betiko. Eta gidoi horrek behin eta berriro banatzen ditu Eba eta Adam. “Kaosaren ederra” irakurtzen jarraitu

Atejolea eta Izaki misteriotsua. Beldurrezko ipuinak

Idazlea: Aitor Arana
Adin tartea: 14tik aurrera
Orrialde kopurua: 80
Gaia: beldurra, irudimenaren ahala, maitasuna, esperantoa,
desiraren arriskua…
Prezioa: 12,50 euro

LIBURUAREN HASIERA

Irakurketa Erraza formatuan

Beldurrezko bi ipuin
Beldurra. Zer da beldurra?
Izaki misteriotsuen istorio beldurgarriak
benetakoak ote dira?
Beharbada ez, eta gure beldurrek sortzen dituzte.
Edo beharbada gure desiren irrikek. “Atejolea eta Izaki misteriotsua. Beldurrezko ipuinak” irakurtzen jarraitu

Trumoi txakurraren negarra

Idazlea: Fernando Morillo
Ilustrazioak: Mikel Mendibil
Adin tartea: 10-12 urte
Orrialde kopurua: 96
Gaia: adiskidetasuna, heziketa, animaliak, desberdin izatea…
Prezioa: 12,50 euro

LIBURUAREN HASIERA
INFORMAZIO GEHIAGO hemen, idazlearen webgunean

Oinatz eta Goizaneren eskola ondoan bi kale-katu azaldu dira. Beste ikasle batzuek jolaserako erabili nahi dituzte. Katuei min egiteak grazia egiten die. Hura gutxi ez, eta Trumoi txakurra alboko itxitura txiki batean sartua dago. Egunetan ia jatekorik ez, urteetan laztan bat ere jaso gabe.

Oinatz eta Goizane animaliengana hurbilduko dira apurka. Egun batean, suak hartuko du eskolako hegal oso bat. Orduantxe ikasiko dute gazteek zer esan nahi duen lagun izatea. Benetako lagun.

Aratz. Begiradaren atzetik

Idazlea: Mikel Rodriguez
Irudiak: Mikel Mendibil
Adin tartea: 15etik aurrera
Orrialde kopurua: 288
Gaia: maitasun kolpea, adiskidetasuna, torturatuaren eta torturatzailearen ikuspegiak, komunismoa eta anarkismoa, txirrindularitza, esperimentazio genetikoa, ukronia historikoa…
Prezioa: 17,50 euro

Bidaiatzea gogoko duen mutil gazte arrunta da Aratz, bere amets, ideia, eta zalantzekin. Arrats batean, Parisko ostatu batean, neska berezi batekin gurutzatuko du begirada, eta, hortik aitzinera, bizitza betirako aldatuko dion lasterketa ero batean murgilduko da, ostatuko neskaren eta harekin zegoen bertze lagunaren gibeletik. “Aratz. Begiradaren atzetik” irakurtzen jarraitu

Aratz II. Izuaren dorrea

Idazlea: Mikel Rodriguez
Irudiak: Mikel Mendibil
Adin tartea: 15etik aurrera
Orrialde kopurua: 288
Gaia: maitasun kolpea, adiskidetasuna, torturatuaren eta torturatzailearen ikuspegiak, komunismoa eta anarkismoa, txirrindularitza, esperimentazio genetikoa, ukronia historikoa…
Prezioa: 16 euro

Bartzelonan bukatu da harrapaketa jokoa. Aitziber eta Aratz, Hertzaintzarengandik ihes egindako bi neska mutanteak, Euzkadiko zerbitzu sekretuen atzaparretan dira berriz ere. Haiekin batera harrapatu dute bertze Aratz, genetikoki hobetutako gizakien eta espioien arteko gatazka sekretuan bere burua sartu zuen mutil arrunta. “Aratz II. Izuaren dorrea” irakurtzen jarraitu

Traizioa lakuan

Idazlea: Núria Martí Constans
Adin tartea: 14tik aurrera
Orrialde kopurua: 96
Gaia: maitasuna, traizioa, jelosia, kirola, lehia…
prezioa: 12,50 euro

LIBURUAREN FITXA
LIBURUAREN HASIERA
IRAKURKETA GIDA
Audioliburu osoa (doan) nahi izanez gero, idatzi mesedez hona: gauminhontza@gmail.com

Sinopsia

Bi pasioren artean borrokan ari den neska da Ondina.
Batetik Patric du, iaz ezagutu zuen kirolari ingeles bikaina,
eta orain berriro itzuli dena Banyolasera, entrenatzera.
Bestetik Jordi, bere oraingo mutil-lagun goxo eta lotsatia.
Bihotzak ez dio garbi erakusten zer egin,
eta mutilen artean ere odol usaina zabalduko da.
Norekin geratuko da Ondina?
Maitasun triangelua, minaz eta heriotzaz blaiturik.

 

Regreso a Chernóbil

Autor: Ander Izagirre.
Edad: a partir de 14 años.
Páginas: 80.
Temas: Chernóbil, accidente nuclear, niños de Chernóbil…
Idioma: castellano.
Precio: 12,50 euros

COMIENZO DEL LIBRO
El AUDIOLIBRO está disponible gratuitamente para todos los grupos que lo soliciten. Si estáis interesados, escribid directamente a gauminhontza@gmail.com para recibirlo.

Sinopsis

Cuando ocurrïó el accidente nuclear de Chernóbil,
Julia tenía 13 años y estuvo todo el día jugando al aire libre.
Igor era un soldado de 18 años
y le ordenaron ir deprisa a la central, a trabajar.
Nadie les explicó nada.
Ahora Julia quiere escribir un reportaje,
donde contar qué ocurrió en Chernóbil
y cómo se encuentra todo hoy día.
Le ha pedido ayuda a Igor,
para recordar juntos aquella catástrofe
y para tener un amigo mientras visita el lugar. “Regreso a Chernóbil” irakurtzen jarraitu

El misterio del Camino de Santiago

Autor: Fernando Morillo
Edad: a partir de 14 años
Número de páginas: 80.
Temas: Camino de Santiago, amistad, superar los obstáculos
Idioma: castellano
Precio: 12,50 euros

Ulises es un viejo marinero.
Su barco naufragó y todos sus compañeros se ahogaron.
Ahora la vida le da miedo.
Kemen es un joven que siempre sonríe,
pero que esconde un terrible secreto.
Ambos se encontrarán en el Camino de Santiago.
Marcharán juntos para cumplir una promesa,
mientras descubren el verdadero misterio del viaje,
que solo conoce quien lo recorre,
y que les cambiará la vida. “El misterio del Camino de Santiago” irakurtzen jarraitu

Santiago Bidearen misterioa

Idazlea: Fernando Morillo
Adin tartea: 14tik aurrera
Orrialde kopurua: 80
Gaia: Santiago Bidea, adiskidetasuna, oztopoak gainditzea…
Prezioa: 12,50 euro

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua doan lortzeko, eskatu mesedez hona: gauminhontza@gmail.com

Sinopsia (Irakurketa Erraza formatuan)

Diotenez, Santiago Bideak magia egin dezake ibiltari bakoitzaren baitan.
Ulises marinel zaharra da.
Bere itsasontzia hondoratu zenean,
bera bakarrik atera zen bizirik,
eta beldurra hartu zion bizitzari.
Kemen, berriz, mutil gaztea eta irribarretsua da.
Itxuraz, ezin zoriontsuagoa,
bizitzaz eta bere neska-lagunaz maitemindua.
Biak elkartuko dira Santiago Bidean,
bakoitzak duen promesa sekretua betetzeko asmoz. “Santiago Bidearen misterioa” irakurtzen jarraitu

Txernobil txiki bat etxe bakoitzean

Idazlea: Ander Izagirre
Adin tartea: 15etik aurrera
Orrialde kopurua: 80
Gaia: Txernobil, istripu nuklearra, Txernobilgo haurrak…
Prezioa: 12,50 euro

LIBURUAREN FITXA
LIBURUAREN HASIERA
Audioliburu osoa doan dago, behar duen taldearentzat. Behar izanez gero, idatzi mesedez hona: gauminhontza@gmail.com

Txernobilgo istripu nuklearra gertatu zenean,
Juliak 13 urte zeuzkan eta aire librean jolasean ibili zen egun osoan.
Igorrek 28 urte zeuzkan, soldadua zen eta zentralera lanera korrika joateko agindu zioten.
Inork ez zien azalpenik eman. Orain Juliak erreportaje bat idatzi nahi du,
Txernobilen zer gertatu zen eta gaur egun ingurua nola dagoen kontatzeko.
Igorri eskatu dio laguntza, katastrofearen garaiaz biek dituzten oroitzapenak biltzeko eta,
Txernobil bisitatzen duten bitartean, ondoan lagun bat izateko. “Txernobil txiki bat etxe bakoitzean” irakurtzen jarraitu

Pasio krimena

Idazlea: Fernando Morillo
Adin tartea: 16tik aurrera
Orrialde kopurua: 208
Gaia: pasioa, intriga, zientziaren historia, adiskidetasuna…
Prezioa: 15 euro

LIBURUAREN FITXA
LIBURUAREN HASIERA
Informazio zabalagoa hemen, IDAZLEAREN WEBGUNEAn
Liburuaren Irakurketa Gida doan lortzeko, eskatu mesedez hona: gauminhontza@gmail.com

Xoel filosofo gazteak eta June ingeniariak maitasun istorio pasional bezain suntsigarria bizi ondoren, kontaktua etetea erabaki zuten. Orain, Juneren familia obsesiboak heriotza mehatxuak jaso ditu, eta neskak laguntza eskatzen dio.
Xoel Ainitzerekin azalduko zaio, hura ere maitale ohia eta fisikari berezi samarra.
Neska baten gorpu birrindua agertzen den unean, Juneren aita desagertu egiten da. Biktima edo hiltzaile? Susmagarri bat bestearen atzetik, ekaitzen zientzia bortitza, kaos-dantzaren misterioa, dirutza ederra jokoan, hilketak, amorrua eta maitasuna, sexuaren indarra eta itsukeria, adiskidetasunaren gozoa.
Pasioaren gatza eta latza. “Pasio krimena” irakurtzen jarraitu

Amets ameslari

Idazlea: Fernando Morillo
Adin tartea: 9tik aurrera
Orrialde kopurua: 96
Gaia: ametsen indarra, familia, adiskidetasuna, minbizia, oztopoak gainditzea…
2016an Juul sarietako bat irabazi zuen. 
Prezioa: 12,50 euro

LIBURUAREN FITXA
LIBURUAREN HASIERA
IRAKURKETA GIDA
Audioliburua lotzeko (doan), mesedez idatzi hona: gauminhontza@gmail.com
Informazio gehiago hemen, IDAZLEAREN WEBGUNEAn

Ametsez beteriko mutikoa da Amets: lagun, leku, soinu eta usain bakoitzak bere istorioa xuxurlatzen dio.
Ipuin guztiak, ordea, ez dira gozoak izaten, eta egun batean ametsa amesgaizto bihurtzen zaio. “Amets ameslari” irakurtzen jarraitu

Izuaren Pasabidea

Idazlea: Fernando Morillo
Adin tartea: 12-14
Orrialde kopurua: 192
Gaia: bazterketa, albinismoa, lagunak, oztopoak gainditzea, abenturak, beldurra, magia, jelosia, animaliak…
Prezioa: 13,50 euro

LIBURUAREN FITXA
LIBURUAREN HASIERA
Informazio zabalagoa hemen, IDAZLEAREN WEBGUNEAn 
Liburuaren Irakurketa Gida eta Audioliburua doan lortzeko, eskatu mesedez hona: gauminhontza@gmail.com

Xabin Tanzaniatik etorritako albinoa da. Han, beltzen arteko zuria zen. Gurean ere, Xabin desberdina da. Zurien arteko… beste zerbait. Beti beste zerbait.
Desberdina izaten ikasi beharko du.
Anais 400 urteko sorgin “gaztea” da, beltzez jantzia eta beldurgarria. Ama salbatzearren, Anais edonor txikitzeko prest dago. Amesgaiztoen Etxean bizi da, Izuaren Pasabidea izeneko gune arriskutsu bat dagoelako bertan, eta Xabin engainatu nahiko du han sartzeko.
Abenturaz beteriko istorio magiko eta beldurgarria, adiskidetasunaz eta bazterkeriaz hitz egiten diguna. “Izuaren Pasabidea” irakurtzen jarraitu

Hildakoei esker eta haien erruz

Idazlea: Fernando Morillo
Adin tartea: 15etik aurrera
Orrialde kopurua: 184
Gaia: izua, heriotza, beldurra, auto-ezagutza, misterioa, familia…
Prezioa: 12,5 euro

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua (doan) nahi izanez gero, eskatu mesedez hona: gauminhontza@gmail.com

Gauaren itzaletan ezkutatzen den maitasuna sentitzeko istorioak dira.
Lau narraziok osatzen dute liburua. Barne-emozioa eta pasioa dituzte oinarri, eta gizakion alderdi ilunak azaltzen dira bihotzaren garrasiekin batera: obsesioa, etsipena, sekretu ilunak, eromena… Sentimendu beltzak, eta odolaren gorrizkoak.
Maitasuna pizgarri, artearen izenean egin daitezkeen bortizkeriak ikusten dira, familian gorde nahi izandako sekretu lotsagarriak, hiltzen ez dakiten hiltzaile afizionatuak, gutako edonoren eromen eta basakeria-grinak. “Hildakoei esker eta haien erruz” irakurtzen jarraitu

Deabruaren letaginak

Idazlea: Fernando Morillo
Adin tartea: 15etik aurrera
Orrialde kopurua: 164
Gaia: fantasia, umorea, sexua, adiskidetasuna, sorginkeria, zientzia…
Prezioa: 12,5 euro

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua (doan) nahi izanez gero, eskatu mesedez hona: gauminhontza@gmail.com

Euskal mitologiako izakiak gauean, errealitatean eragiten duten marrazkiak, inbokazio diaboliko dibertigarri bat, aingeru “perfektu” baten ingurukoak, Jesukristoren bila joaten den gizon baten istorio sarkastikoa…
Deabruaren ironia eta txantxa-gosea aitzakia hartuta, gizakiok gorderiko grin eta bihotzetan murgiltzen diren bost narrazio dira.
Gehienak egunerokotasunetik abiatzen dira: maitasun korapiloak, grinaren eta bihotzaren arteko lehia, beste “zerbait” probatu nahia… Bat-batean, deabrukeriaren bat azaltzen da. Umore zuria nahiz beltza, erotismo samurra eta basatia, fantasia ironikoa eta giro mitologikoa. “Deabruaren letaginak” irakurtzen jarraitu

Tripoli-Kabul

Idazlea: Karlos Zurutuza
Adin tartea: 16tik aurrera
Orrialde kopurua: 112
Gaia: Ekialdeko herriak, testigantzak, gerra, biziraupena,
barne-indarra, bizi-begiradak…
Prezioa: 12 euro

Urtetako txangoa izan da Tripoli eta Kabul artekoa. Bidean, gerrak, goseteak eta injustiziak etxetik kanporatutakoekin egin dut topo. Erraza da Donostiatik Kabulera joatea, Tripoli zeharkatuta bada ere, baina ez alderantziz. Funtsean, gerrak familien etxeetako atea jo eta bota egiten du. Etxe haien barrukoak dituzue istorio hauek guztiak.

LIBURUAREN FITXA
LIBURUAREN HASIERA “Tripoli-Kabul” irakurtzen jarraitu